ഇന്ത്യക്കാര്‍ക്ക് ഇനി വിസയില്ലാതെ പ്രവേശിക്കാം!!! സുപ്രധാന അറിയിപ്പുമായി ഒമാൻ

Oman
News

ഇന്ത്യക്കാര്‍ക്ക് ഇനി വിസയില്ലാതെ പ്രവേശിക്കാം!!! സുപ്രധാന അറിയിപ്പുമായി ഒമാൻ

കൊവിഡ്-19 നിയന്ത്രണങ്ങൾ തുടരുന്ന സാഹചര്യത്തിൽ നിർണായക പ്രഖ്യാപനവുമായി ഒമാൻ. ഇന്ത്യ ഉൾപ്പെടെയുള്ള 103 രാജ്യങ്ങളിലെ പൗരന്മാർക്ക് വിസയില്ലാതെ രാജ്യത്ത് പ്രവേശിക്കാമെന്ന് റോയൽ ഒമാൻ പോലീസ് അറിയിച്ചു. പ്രസ്‌താവനയിലൂടെയാണ് അധികൃതർ വിവരം പങ്കുവച്ചതെന്ന് ടൈംസ് ഓഫ് ഒമാൻ റിപ്പോർട്ട് ചെയ്‌തു.

വിസ ഇല്ലാതെ രാജ്യത്ത് എത്താമെങ്കിലും ഒമാൻ ഭരണകൂടം നിർദേശിക്കുന്ന നിബന്ധനകളും നിയന്ത്രണങ്ങളും പാലിച്ചിരിക്കണം. ഇത്തരത്തിൽ എത്തുന്നവർക്ക് 10 ദിവസം മാത്രമായിരിക്കും രാജ്യത്ത് നിൽക്കാൻ അനുമതി ലഭിക്കുക. മുൻകൂറായി തന്നെ ബുക്ക് ചെയ്‌ത സ്ഥിരീകരിച്ച ഹോട്ടൽ റിസർവേഷൻ, ആരോഗ്യ ഇൻഷുറൻസ്, മടങ്ങിപ്പോകാനുള്ള ടിക്കറ്റ് എന്നിവയാണ് പ്രധാനമായ നിബന്ധനകൾ.
കൊവിഡ് മാർഗനിർദേശങ്ങളും മാനദണ്ഡങ്ങളും പാലിക്കേണ്ടതുണ്ട്.

ഇത് സംബന്ധിച്ച കൂടുതൽ വിവരങ്ങൾ വൈകാതെ അധികൃതർ പുറത്തുവിടും. ഇന്ത്യയെ കൂടാതെ അമേരിക്ക, കാൻഡ, ചൈന, റഷ്യ, ഇറാൻ, ഫ്രിട്ടൻ, ഫ്രൻസ്, ദക്ഷിണാഫ്രിക്ക, ഇന്തോനേഷ്യ, മലേഷ്യ, സിംഗപ്പൂർ, ഭൂട്ടാൻ, മാലിഡ്വീപ്, ജോർദാൻ, ഈജിപ്‌ത് എന്നീ രാജ്യങ്ങളും പട്ടികയിൽ ഇടം നേടിയിട്ടുണ്ട്.കൊവിഡ് പ്രതിസന്ധിയിൽ നിന്ന് കരകയറാൻ ടൂറിസം മേഖല ശക്തിപ്പെടുത്താനാണ് ഒമാൻ്റെ ഈ തീരുമാനം എന്നാണ് മാധ്യമ റിപ്പോർട്ടുകൾ. നിലവില്‍ അഞ്ച് ജിസിസി രാജ്യങ്ങളിലെ പൗരന്മാര്‍ക്കാണ് വിസയില്ലാതെ ഒമാനില്‍ പ്രവേശിക്കാന്‍ അനുമതിയുണ്ട്.

Leave your thought here

Your email address will not be published. Required fields are marked *

This site uses Akismet to reduce spam. Learn how your comment data is processed.